Nasza Loteria NaM - pasek na kartach artykułów

Brakło "dupolotow" we hurtowni kiero przedowo graczki

Krzysztof Gilecki
Zima stulecia w 1978 roku.
Zima stulecia w 1978 roku. Narodowe Archiwum Państwowe
Ze telewizora straszyli nos, co mo prziść „Bestia ze wschodu”, i doczkali my sie. Beskuryjo miała -16 gradusow bes jedna noc, ale momy tysz doś trocha śniega na uciecha bajtlom.

Brakło "dupolotow" we hurtowni kiero przedowo graczki

Zaro tysz brakło dupolotow we hurtowni kiero przedowo graczki. Dziecka majom sposobność po piyrsze łoboczyć jak wyglondo śniyg, ukulać bałwana i pokulać sie we śniegu, zrobić łorła.

Piyrsze zimy pamiyntom za Gomołki, bo ze czasow Stalina i Bieruta to pamiyntom yno jak im we radioku grali Buuummmbum, Buuummmbum, Buuummmum, asz czynsło tym radyjokym, to i maluśki bajtel sie kapnył, że coś sie stało. Grali im Bum, Bum, a niy „Jak to na wojence ładnie, kiedy ułan z konia spadnie, koledzy go nie szanują, jeszcze końmi go stratują”.

A zimy jedna po drugij, to były rychtyczne zimy. Na kolynda zowdy po Świyntach, stary Musioł prziwoził na strombku/saniach ze Woszczyc farorza i kościelnego i dwuch ministrantow po kolyndzie. Taki strombek to było słychać z daleka, bo konie miały dzwonki przi karku, i dzwoniyni było dobrze słychać.

Dziecka klizdały sie przeważnie na szczewikach

Dzwonki miały tysz konie kiere ciongły sznyflug, kierym były łodśnieżane wiejski drogi, na drodze abo na swojim placu bawiły sie i klizdały dziecka. Klizdały sie przeważnie na szczewikach, bo mało kiere dziecko miało szlińcuchy.

Starsi godali co piyrwy klizdali na pantoflach, nikiere miały jeszcze przibity drot, coby były gładsze, ale pantofle chyba ciyngiym ślatywały im do śniega. Widywałech ludzi we pantoflach, ale przeważnie bes lato, kiedyś fater dostoł ze gruby holcoki, miały dzewianne zole i kronfleki ze jednego konska dzewa, a wiyrchy ze jasnobronotnej skory.

Niy wiym czy dało sie w nich łazić abo klizdać po śniegu abo lodzie, bo zole musiały być bardzo sztajfne. Chopcy ze Kolonije klizdali i grali we hokeja na stawie łod Świacznego. Kupny kij do hokeja i kronżek ze guminu mioł yno jedyn synek.

Inksi szukali łogniyntych patykow, a jak sie połomały to łomali konsek asty ze łolszy kiere rosły wele stawu i grali, asz do ćmoka.

Nikierzi mieli szlincuchy, ale nojwiyncy tyrali we szczewikach.

Fol bajtli było zowdy na beszongu

Fol bajtli było zowdy na beszongu kole piekarza. Przeważnie prosto po szkole, jedni sjyżdżali na sonkach, inni na pukeltaszy, abo akyntaszy, klizdali tysz na szczewikach po stojonczku, abo czympionczku, abo ganc ajnfach na rzici.

Ci co mieli bliżyj mogli sie prziniyść miech wysztopowany sianym, abo słomom i na tym sjyżdżać. Nikierzi mieli narty to sjyżdżali na szago po beszongu ze bany i kaś we Trupiku, ale kaj to było to niy wiym do dzisio.

Fridek spominoł jak sie robił narty ze bednorek/ klepki ze beczek, ale takich nart niy widziołech na łoczy.

Za to we Muzeum we Tychach widziołech narty łod Małysza, a we Wiśle we Rathauzuzie cołkigo Małysza ze biołej szekulady, a ku tymu ze nartami, yno musieli go zaszklić coby go żodyn niy lizoł.

emisja bez ograniczeń wiekowych
Wideo

Jak działają oszuści (5) - oszustwo na kartę NFZ

Dołącz do nas na Facebooku!

Publikujemy najciekawsze artykuły, wydarzenia i konkursy. Jesteśmy tam gdzie nasi czytelnicy!

Polub nas na Facebooku!

Kontakt z redakcją

Byłeś świadkiem ważnego zdarzenia? Widziałeś coś interesującego? Zrobiłeś ciekawe zdjęcie lub wideo?

Napisz do nas!

Polecane oferty

Materiały promocyjne partnera

Materiał oryginalny: Brakło "dupolotow" we hurtowni kiero przedowo graczki - Rybnik Nasze Miasto

Wróć na zory.naszemiasto.pl Nasze Miasto